Wil jij graag het album IK bestellen? Stuur dan een mail naar info@lindazijlmans.nl of vul onderstaand formulier in!
TEKSTEN
Zoë bin ik gebaore
Refrein
Zoë bin ik, zoë bin ik gebaore
In verandere heb ik genne zin, dus neem mich maar gans wie ik bin
Jao zoë bin ik, zoë bin ik gebaore
En det is dus gans oké, neem mich wie ik bin
Couplet
De lôch die trek gans dich, as vrinde mich de keuze gaeve
Wilse bliéve, of leever toch heej weg, of nao ein andere plek
‘t Zweit det brik mich oét, dan wuurt ’t mich zwart veur de auge
Want ik twiéfel, ik twiéfel, altiéd en euveral
Couplet
Gaon ik links of gaon ik rechs, zoë staon ik op idder kruutspunt in mien laeve
Ik kôm d’r zelf neet oét, ik weit neet waat ik wil
Gaon ik veur A of toch veur B, die opties, die keuzes
Ik waer maf van det getwiéfel, getwiéfel, noow maak toch ens keus
Bridge
Vind ik oeits miene waeg, en zal ik dan gans bliej zien met ’t geene det ik doon
Beröste in waat is, acceptere waat d’r kump
Messchien lök det wal noeits, en zal ik zoë bliéve, mien laeve langk
Ik twiéfel, ik twiéfel, ik twiéfel…
Thoés
Refrein
Löp alles efkes neet wie ik wil
Dan druim ik weer weg, truuk nao det hoés
En dan wuurt alles um mich haer lekker stil
Dan veul ik mich efkes, bin ik weer efkes beej ôs thoés
Couplet
Vruuger beej ôs thoés
De rolloéke dich, de kachel aan
Weej same op de bank
Tösse pap en mam
’t waas zaoterdaag dus chips
De ranja vuuls te zeut
Pyamaatjes zoë werm
De sluufkes aan ôs veut
Couplet
Speule in d’n haof
Zandbak en schômmel, skeltere fiets
Weej met de alde kleier aan
Greun van ’t graas
Dan ’s aoves vlot in bad
Daornao ein roeije snoét
Nao ein verheulke, ein kösmoél,
Deej ôs mam ’t lempke oét
Bridge
Al waas ’t boéte hertje winter
Beej pap en mam waas ’t noeits kald
Beej ôs thoés vind ik michzelluf weer truuk
Lös of leefde
Refrein
Is dit lös of is dit leefde
Is dit gans of toch maar halluf
En zets dich mich dalik zônder pardon aan de kant
Is dit lös of is dit leefde
Ik wach ‘t antwoord neet mier aaf
En ik neem mien lot noow in mien eige hand
Couplet
Dich kumps veur mich staon
En ik veul det ik môt gaon
Ik griép vlot naor mien kleier en mien schoon
De vruuegs of ik nog bliéf
Of ik ech neet euverdriéf
Maar ik zeen en weit perciés waat ik môt doon
Ik huur ’t dich weer zegge
Dich bis zôn moéie vrouw
Maar mien verstand det zaet mich, det ik dich neet vertrouw
Couplet
Dit deurt mich vuuls te lang
En dien auge kiéke bang
Maar ik geluif van al dien leuges ech gen reet
De neums mich weer ens schat
Maar net neet euvertuugend zat
Ik zeen perciés waor det beej dich aan leet
Want stel ik dich die vraog
Dan zeen ik zweit op dien gezich
Ik zeg: doot waas-se môs doon
Maar zeker neet met mich
Dus knaup ’t in dien oére
Wie hard des dich auk sjans
Ik bin toch ech vuul mier waerd
Beej mich maks dich gen kans
Löpse vaerder
Couplet
Liggend in de stilte
Hald ik vas aan waat d’r neet mier is
Dink ik truuk aan waat ik noow zoe mis
Laupend dao de straote
Van de stad die oeits de ozze waas
Dink ik noow aan dich op elke pas
Zwaor zien mien bein, ik kin amper vaerder, wie doon ik dit zonder dich
Wankel is idd’re stap
Dralend door ’t duuster
Alles waat d’r waas is noow kapot
Weit neet mier wao ik ’t zeuke mot
Zwaor zien mien bein, ik kin amper vaerder, wie doon ik dit zonder dich
Wankel is idd’re stap
Refrein
Veul allein nog traone wao iers leefde zoot
Vreeje weej de vreejheid tegemood
Veulse mich valle, vangse mich neet mier leef
Luuetse mich noow al gaon
Löpse vaerder wao ik stil blief staon
Couplet
T water aan de lippe
Zeen allein nog maar ’t kwaod in elk gebaar
Vluchte we of vechte veur mekaar
’t Verleeje veult ver, de toekoms is weg, en ’t hede luuet os in de steek
Laot ik dich noow dan los
Bridge
Klamp mich vas aan dien lief
Wilse wal det ik blief of mot ik gaon
Ein gebed zonder eind
Luuetse mich noow gaon
Snel
Refrein
Sôms geit ’t zoë snel,
Probeer ik alles beej te halde
Ren ik door wies det ik val, en in elk geval
Staon ik dan weer op,
Um mien tempo te hervatte
Daag die veule as ein aor, en de klok tik door
Waat ik wil is efkes muuskesstil
Couplet
D’r weijt enne wind door mien laeve haer
Wie enne tornado, ’t geit te kiér
En ofschoën det windje, vuul frisheid bringk
Blief windkrach tiën nog altiéd link
Ik sjees van de ein nao de and’re plek
Môt oppasse det ik gen spier verrèk
Waer sôms zoë gek van det gesjouw en gejaag
Maar toch kump ’t truuk, haos idderen daag
Couplet
De lat die leet zoë hoëg, maar zelf gelag
Zoë heb ik ’t mich oeits oétgedach
Wil zoë gaer zien, wae ik zelluf bin
Vraog mich sôms aaf of ik det kin
Bridge
Waat noow as ik einen daag stil bliéf staon
Velt dan ech alles um, zal de waereld vergaon
Ik betwiéfel ‘t, dus probeer ’t ens oét
Doordet ik stilstaon, gaon ik veuroét
Nemus
Refrein
Nemus kint verandere des dich d’r neet mier bis
Nemus kint vermindere wievuul det ik dich mis
Dit hoés veult nimmer thoés veur mich, ’t is d’r stil en nimmer werm
Ik trek die deur achter mich dich, en laup vaerder
Want oeits kôm ik weer thoés in dien erm
Couplet
In ein hukske van de kamer, hingk dien foto aan de moor
Det ôs laeve mier as moéi waas, is mich noow wal zônneklaor
Dit hoés waas vol met laeve, vol met leefde en gelach
Maar inmiddels veult ’t anders, want alles is gezag
In de kas zien nog dien kleier, in d’n hook steit diene stool
En as ik dan smeis dien geur ruuk, scheet ik nog altiéd vol
Want ik huur nog steeds dien stappe, van de veurdeur door de gangk
In dit hoés wao weej vreeje, wao we praotte aore langk
Couplet
D’r zien daag beej det ’t liek asofs dich zoë binnelöps
D’r zien nachte det ik wakker lig, umdet ik dink des dich mich rups
Soms laup ik euver straot en ik huur dan op-ens dien stum
En auk al weit ik zoëvuul baeter, kiék toch nog efkes achterum
Bridge
Kiék ik nao dae stool van dich, zeen ik wie’s dich dao zoots
Maar wie ik ’t auk went of kiér, dich bis weg veurgood
In mien hert zien ôs moeie momente, dao bis dich
En zoë tovers dich nog idderen daag enne lach op mien gezich
Herfs
Refrein
Is de aovendzôn roeijer dan hae oeits waas
Of zien de wolleke griézig en grauw
Kriég ik langzaam kiépevel, en de buim die waere kaler
En de nachvors trek in de grond
Ik ruuk de herfs…
Couplet
D’r is waat veranderd hoëg in de lôch
Ik veul de kelt in mien gezich
Hebs dich auk det geveul, det verlange nao toen
Druim met mich mei
Ik laup met de jas toe, ’t is stil op straot
Ein blaedje dwarrelt zoëmaar veurbeej
’t Is net of det blaedje mich toerup van baove
Kom, dans met mich mei
Couplet
Kiek nao de kleure um dich haer
De wind dae speult met de blaajer
De raege dae velt met bakke nao ônder
Schuul met mich mei, schuulse met mich mei
Neet winne
Refrein
En nao al die joare, vinds dich noow dien gelök
Kins ’t neet verklaore, dich kins maar neet winne, aan waat dit met dich duit
Couplet
Ik zeen dich daor nog zitte, dien ongelök waas compleet
Bang veur ’t verleeje, wange naat van verdreet
En waat blief d’r dan nog euver, en wae mak des dich weer lachs
En wae luuet dien blood weer struime en wae truues dich in de nach
De waeke en de maonde verstreke vlot maar dich bleefs staon
Winter woort linte, dich bleefs blind veur de zôn
Veul toch die straole op dien wange, en de wermte in dien gezich
Want degene dae bepaolt noow en dae rös brink, det bis dich
Couplet
Dien hert ging langzaam aope, dien gedachte kwaame vreej
D’n tiéd van ‘t ôntkinne, dae waas noow veurgood veurbeej
En ein niej seizoen det brook aan, en ’t waas neet langer kil
‘t Woort zelfs wermer dan ’t oeits waas, en dien hert stond neet langer stil
Zet dien veut stevig neer op dees aerd
Veul de lôch dae dien lônge steeds völt
Veur ein ander bis dich alles waerd
En de laefs
Want noow blief ge same euver, en hae mak des dich weer lachs
En hae luuet dien blood weer struime en hae truues dich in de nach
Weg
Refrein
Ik môt weg, al wil ik neet
D’n tiéd dae rup, kôm op maedje
Laot alles heej , alles heej maar staon
Kiék nog ens um, maar neet te lang
En ik bin neet mier bang
Couplet
De jaore heej die telle
Neet te lich, maar auk neet zwaor
Zoë wie ’t water door bliéf struime in de Maas
Löp d’n tiéd heej altiéd door
’t Zien gen iéuwige gedachte
Die ik heej van taofel vaeg
’t Ritueel van röstig druime euver niks
Vindt auk heejnao wal ziene waeg
Couplet
’t Is zoë stil heej in de kamer
En alles um mich haer is kaal
De letste aore vlooge zoë veurbeej
ôs verleeje det wuurd vaal
Efkes sleit d’n twiéfel toe
Maar ik bliéf neet lang mier staon
De wiézers van de klok die wiéze mich de waeg
Nao ’t zuuje, nao de zôn
Bridge
Ik veul det ik môt gaon, det weit ik auk wal
Maar gaef mich toch nog ein moment
Dan slaon ik dit heej op, en neem ’t veur altiéd met mich mei
Beej iddere stap dae ik noow nog zet
Ik zal d’r zien
De kuulkes in dien wange
Dien blônde heurkes danse moéi rônd dien gezich
D’r is gen maedje net zoë leef wie dich
Dien twinkelende uigskes
Die scheive tendjes in diene mônd dae altiéd lach
As ik dich zeen, liek alles allang gezag
Vel-se op ein stuupke
En doon dien hendjes pien
Weit dan, ik zal d’r zien
Langzaam wuurs-se groëter
‘t Valle en ’t opstaon, det huurt d’r beej
Nog steeds doon ik met leefde, waat ik altiéd deej
Want veulse dich allein sôms,
En duit ’t efkes pien
Weit dan, ik zal d’r zien
Ônthald, ik zal d’r zien…
Neet valle
Couplet
De waereld in brand, nemus behalleve dich
Verlange det duit hiel rare dinger met mich
Heb wal ens iérder veur heitere veure gestaon
Maar dich raks mien zeel, dao wao nog nemus moch gaon
Refrein
Nae ik wil neet valle veur dich
Neet mier
Couplet
In nachte kalt en zwart, veul ik mich zoë verward
In druime werm en lich, zeen ik steeds dien gezich
’t Is allang veurbeej, maar toch blief-se heej
Mien huid rak die van dich, maar dich speuls ein spel met mich
Linda Zijlmans 